तुलसीपुर ।

अज्ञात समूहको खुकुरी प्रहारबाट तुलसीपुरमा एक जना गम्भिर घाईते भएका छन् । घाइते हुनेमा उपमहानगरपालिका–११ नवलपुर निबासी ४५ बर्षका कुमार विक रहेको ईलाका प्रहरी कार्यालय तुलसीपुरले जानकारी दिएको छ । आफन्तकोमा बिहेमा गएका बिकलाई घर फर्किने क्रममा तुलसीपुर उपमहानगरपालिका–१० पड्ढा जाने सडकमा राती अपरिचत समूहले बायाँ खुट्टाको चुरीगाँठादेखि तलतिर र हत्केला र औंलामा प्रहार गर्दा गहिरो चोट लागेको छ ।

घाइतेको विकको राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागि कोहलपुर रिफर गरिएको छ । घटनामा संलग्न व्यक्तिको खोजीकार्य तिब्र पारेको प्रहरीले बताएको छ । तुलसीपुर क्षेत्रमा खुकुरी प्रहार घटना घट्न थालेका छन । यस अघि एयरपोर्ट नजिक एक युवाको ज्यान गएको थियो ।