काठमाडौँ ।

नेपालमा कोरोना भाइरसको संक्रमणबाट ज्यान गुमाउनेको संख्या ११ सय नाघेको छ। स्वास्थ्य तथा जनसंख्या मन्त्रालयका अनुसार हाल देशभर १ हजार १ सय ८ जनाको कोरोना भाइरसको संक्रमणबाट मृत्यु भएको छ। पछिल्लो २४ घण्टामा मात्रै थप २१ जनाले कोरोनाका कारण ज्यान गुमाएका छन्।

मन्त्रालयका अनुसार हाल देशभर ३ सय ९८ जना कोरोना संक्रमितको आईसीयुमा र ८२ जनाको भेन्टिलेटरमा उपचार भइरहेको छ ।

नेपालमा पछिल्लो २४ घण्टामा थप २ हजार ८ सय १७ जना कोरोना संक्रमित थपिएका छन्। यससँगै नेपालमा कोरोना संक्रमितको संख्या १ लाख ९४ हजार ४ सय ५३ पुगेको छ।

स्वास्थ्य तथा जनसंख्या मन्त्रालयका अनुसार आइतबार २ हजार ८ सय १२ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या १ लाख ५७ हजार ९ सय २६ पुगेको छ।