तुलसीपुर । तुलसीपुर नगर जेसिजको साताव्यापी कार्यक्रम सुरु भएको छ । आज एक कार्यक्रमको आयोजना गरि जेसिज सप्ताह २०७८ को उद्घाटन गरिएको हो । सप्ताहब्यापी कार्यक्रमको तुलसीपुर उपमहानगरका नगर प्रमुख घनश्याम पाण्डेले उद्घाटन गर्नुभएको हो । त्यस अवसरमा बोल्दै नगर प्रमुख पाण्डेले जेसिजका अभियानलाई ग्रामिण भेग सम्म लैजानुपर्ने बताउनुभएको थियो ।

तुलसीपुर नगर जेसिज वर्ष २०२१ का अध्यक्ष जेसी नेत्रलाल भट्राईको अध्यक्षतामा भएको कार्यक्रममा स्वागत वर्ष २०२१ का कार्यकारी उपाध्यक्ष तथा कार्यक्रमका मुल संयोजक जेसी कमलप्रकाश शर्माले गर्नुभएको थियो ।

कार्यक्रमको सहजिकरण वर्ष २०२१ का महासचिव जेसी दामोदर न्यौपानेले गरेका थिए ।