तुलसीपुर । नेपाल राष्ट्रिय शिक्षक संगठन तुलसीपुरले प्रत्येक वडाहरुमा वडा समिति बनाउन थालेको छ । पहिलो चरणमा आज मावि उरहरीमा भएको एक भेलाले वडा नम्बर ११,१२ र १३ मा वडा समिति निर्माण गरेको हो । नगर अध्यक्ष होमराज डाँगीको अध्यक्षता तथा तुलसीपुर उपमहानगरपालिमा सामाजिक समितिका संयोजक,वडा नम्बर ११ का अध्यक्ष मान बहादुर रावतको प्रमुख आथित्यतामा भेला सम्पन्न भएको हो ।

भेलामा बोल्ने बत्ताहरुले शिक्षकहरु आफ्नो पेशागत हक अधिकारका लागि संगठित हुनुका साथै विद्यार्थीको शैक्षिक गुणस्तर अभिवृद्धिका लागि लगनसिल,कर्तव्यनिष्ट भएर लाग्नुपर्ने बताएका थिए । भेलालाई संगठनका निवर्तमान नगर अध्यक्ष पदम बहादुर वली,जिल्ला सचिवालय सदस्य धनिराम केसी,पदम खत्री,पेशागत महासंघ का जिल्ला उपाध्यक्ष रमा आचार्य लगायतले सम्वोधन गरेका थिए ।

नगर उपाध्यक्ष प्रेम नेपालीको स्वागत मन्तव्यबाट सुरु भएको भेलाको सहजिकरण नगर सचिव निर्मल कुमार वलीले गरेका थिए । यसैविच भेलाले तीन वटा वडामा वडा समितिहरु गठन गरेको छ ।