तुलसीपुर ।

पश्चिम दाङमा झाेलुंगे पुलबाट लडेर एक जना युवा गम्भीर घाइते भएका छन् । घाइते हुनेमा तुलसीपुर उपमहानगरपालिका वडा नं. १९ बिजौरी निवासी २४ वर्षिय रमेश थापा रहेकाे प्रहरीले जनाएको छ ।

बबई गाउँपालिका वडा नं. ५ हापुरे स्थित पुरन्धारा छहरा नजिक रहेको झुलुंगे पुलबाट टिकटक बनाउने क्रममा लडेर घाइते भएको इलाका प्रहरी कार्यालय तुलसीपुरले बताएको छ । उनको राप्ती प्रादेशिक अस्पताल तुलसीपुरमा सामान्य उपचार पछि थप उपचारका लागि बांकेको कोहलपुर मेडिकलमा रेफर गरिएको अस्पतालले बताएको छ ।