तुलसीपुर ।
शहिद दिवस तथा शुक्रवारीय कार्यक्रमका अवसरमा तुलसीपुर उपमहानगरपालीका वडा नम्बर ११ मा रहेको अमर माध्यमिक विद्यालय उरहरीले विभिन्न प्रतियोगितात्मक कार्यक्रम गरेको छ । जस अन्र्तगत कक्षा ६–१२ का विचमा सहिदको सम्झना शिर्षकमा भएको कविता प्रतियोगिता भएको थियो । त्यस अवसरमा विद्यार्थीहरुले आफै रचना गरी कविता सनाएका थिए । जसमा रमेश जैसी प्रथम,डोटिराम परियार द्धितिय र धन कुमारी बुढा तृतिय भएका थिए ।

यस्तै, कक्षा १–३ मा भएको कुर्सिदौड प्रतियोगितामा नारायण भण्डारी प्रथम,हुकुम रोका द्धितिय र रोषण नेपाली तृतिय भएका थिए । यस्तै, कक्षा ४–५ का विचमा भएको हिसाव दौड प्रतियोगितामा शुशिला गोराथोकी प्रथम, सन्जु परियार द्धितिय र सम्झना चौधरी तृतिय भएका थिए ।

विद्यालयका प्रधानाध्यापक पदम बहादुर वलीको अध्यक्षतामा कार्यक्रम भएको थियो । यसैविच प्रतियोगितामा प्रथम,द्धितिय र तृतीय हुने छात्रछात्राहरुलाई बसन्त पञ्चमिको अवसरमा आयोजित कार्यक्रममा पुरस्कृत गरिने छ । सहायक प्रधानाध्यापक क्षेत्र बहादुर गिरीको स्वागत मन्तव्य बाट सुरु भएको कार्यक्रमको सहजिकरण शिक्षक यज्ञ बहादुर अधिकारीले गरेका थिए ।