सल्यान । सल्यानको एक सामुदायिक वनभित्र चार थान भरुवा बन्दुक भेटिएकोे छ। सल्यानको शारदा नगरपालिका वडा न १२ को बागेश्री सामुदायिक वनमा पर्ने ट्वाङट्वाङे गुफाभित्र बेवारिसे अवस्थामा ४ थान भरुवा बन्दुक भेटिएको जिल्ला प्रहरी कार्यालय सल्यानका प्रहरी निरीक्षक अर्जुन पौडेलले जानकारी दिनुभएको छ ।

गुफाभित्र भरुवा बन्दुक रहेको स्थानियले सूचना दिएको आधारमा आज शुक्रबार बिहान इलाका प्रहरी कार्यालय शितलपाटीको टोलीले बन्दुक बरामद गरेको प्रहरीले बताएको छ । घटनाका बारेमा थप अनुसन्धान भैइरहेको जिल्ला प्रहरी कार्यालय सल्यानले जानकारी दिएको छ।