तुलसीपुर । तुलसीपुर उपमहानगरपालिका ११ बेलटाकुरामा श्रीकृष्ण जन्माष्टमीको अवसरमा देखाईने लाखे जात्राको तयारी पुरा भएको छ । कृष्ण जन्माष्टमीको अवसरमा दुई दिन सम्म देखाईदै आएकोमा विगतका बर्ष जस्तै यस बर्ष पनि लाखे जात्राको तयारी पुरा भएको स्थानिय युवा कृष्ण केसीले जानकारी दिए । पुर्खादेखि नाच्दै आएको लाखे नाचलाई निरन्तता दिनलाई युवापुस्ताहरु लागि परेको उनले बताए ।

भाेली र पर्सी लाखे नाच देखाईने स्थलमा सरसफाई गरि मञ्च ब्यवस्थापन गरिएको छ । त्यहा दुई दिन सम्म भव्य रुपमा मेला लाग्ने गर्दछ । यसैविच मेलामा उपस्थित भईदिन सबैमा आग्रह गरिएको छ । जन्माष्टमीको भोली पल्ट समेत मेला लाग्ने गर्दछ । उसैदिन परम्परा अनुसार लाखे नाच मार्ने अर्थात समापन गर्ने गर्ने चलन रहेको अर्का युवा अर्जुन गुरुङले बताए । बेलटाकुराको लाखे नाच यस क्षेत्रमा पुरानो तथा बढी प्रख्यात नाचका रुपमा लिने गरिन्छ ।