दाङ । तुलसीपुर उपमहानगरपालिका वडा नम्बर ७ मा रहेको मेरिगोल्ड ईंग्लिश बोर्डिङ स्कुलमा जुनियर रेडक्रस सर्कल गठन गरिएको छ । विद्यालयका छात्र प्रतीक खनालको अध्यक्षतामा १३ सदस्यीय जुनियर रेडक्रस सर्कल गठन गरिएको हो । जसको उपाध्यक्षमा सिर्जना बुढाथोकी, सचिवमा सीता सुनार, सह-सचिवमा निता केसी कोषाध्यक्षमा बिपना छन्त्याल सह(कोषाध्यक्षमा संक्रान्त खड्कालाई चयन गरिएको हो ।

यस्तै सदस्यहरूमा एन्जल केसी, प्रतीक्षा श्रेष्ठ, सनिसा भण्डारी, अविरल सुनार, पार्शबी विष्ट दिपेन्द्र पराजुली र बबिन भट्टराई रहेका छन् । त्यसैगरी शिक्षक नायकमा विष्णु न्यौपाने, सह शिक्षक नायकमा रश्मी लामिछाने र संरक्षकमा प्रधानाध्यापक वासुदेव रिजाललाई चयन गरिएको छ ।

विद्यार्थीहरूलाई अतिरिक्त क्रियाकलापमा सहभागी हुन नेतृत्व क्षमताको विकास गर्न, सामाजिक गतिविधि तथा समाज सेवामा क्रियाशील हुनका लागि जुनियर रेडक्रस सर्कल गठन गरिएको विद्यालयका भाइस प्रिन्सिपल सोमराज बस्नेतले जानकारी दिनुभयो ।