दिप्तिशिखा चाैधरि,दङ्गिशरण, ८ जेठ ।

दङ्गिशरण गाउँपालिकाले निर्माण गरेकाे क्वारेन्टाइनमा अाज बिहिवार ३ जनालाई राखिएको छ । दङ्गिशरण गाउँपालिका वडा न.६ का २१ बर्षका एक जना र वडा न. ७ का २२ बर्षका र २७ बर्षका दुई जना गरि तीन जना पुरुषलाई क्वारेन्टाइन मा राखिएको दङ्गिशरण गाउँपालिका विपद ब्यवस्थापन समितिका सयाेजक बालकृष्ण भण्डारीले जानकारि दिए ।

क्वारेन्टाइनमा राखिएका मध्य एक जना गुहा र दुई जना भारतकाे उत्तर प्रदेशबाट अाएका हुन । उनिहरु नाकामा अलपत्र अवस्थामा छन् भन्ने खबर पाएपछि पालिकाले एम्बुलेन्स मार्फत ल्याएर सिधै क्वारेन्टाइनमा राखिएको गाउँपालिकाका अध्यक्ष भागिराम चाैधरिले जानकारी दिए । उनिहरु भारतबाट अाएकाले विशेष सतर्कताका साथ ल्याएर क्वारेन्टाइनमा राखिएको अध्यक्ष चाैधरिले बताए । साथै अध्यक्ष चाैधरिले बाहिर देश अथवा जिल्ला बाट घर फर्कनेलाई सम्पर्कमा अाउन अाग्रह गरेका छन् ।

अहिले गाउँ पालिका स्थित बिरेन्द्र मा.बि. मा रहेकाे क्वारेन्टाइनमा १ महिला र ४ पुरुष गरि ५ जना रहेका छन् ।।