हिरा परियार,रुकुम पश्चिम ६ असार ।
रुकुम पश्चिमको आठबिसकोट नगरपालिकाको गिँजागार खोलामा एक महिलाको शब फेला परेको छ । नगरपालिकाको वडा नम्बर १२ बार्खुकी ४० वर्षिया नदि बुढाको वडा नम्बर १० र १२ को सिमानामा पर्ने गिजाँगाड खोलाको बिचमा शब फेला परेको हो । हिजो साझँ खाना खाएर घरबाट निस्कीएकी बुढा आज बिहान गिँजागार खोलामा मृत भेटिएको इलाका प्रहरी कार्यालय आठबिसकोटका इन्चार्ज तथा प्रहरी निरिक्षक अच्युत राज आचार्यले जानकारी दिनुभयो ।

उहाँका अनुसार खोलामा माछा मार्ने मान्छेले शब देखेपछि प्रहरीलाई खबर गरेका थिए । खबर पाएलगतै इलाका प्रहरी कार्यालय आठबिसकोटको टोली घटनास्थल तर्फ गएको थियो । मृतक महिलाको मानसिक सन्तुलन बिग्रिएको पारिवारीक स्रोतले जनाएको छ । मृतक महिलाको शब पोष्टमार्टमको लागि जाजरकोट जिल्लाको डल्लि पठाइएको प्रहरी निरिक्षक आचार्यले बताउनुभयो ।।