दाङ, १९ असार ।

  नेपालमा पछिल्लो २४ घण्टामा ७ सय ४० जनामा कोरोना भाइरस संक्रमण देखिएको छ । देशका विभिन्न प्रयाेगशालामा गरिएकाे परीक्षणमा शुक्रबार ७ सय ४० जनामा कोरोना संक्रमण देखिएको हो ।

योसँगै नेपालमा कोरोना भाइरस संक्रमण हुनेको संख्या १५ हजार दुइ सय ५९ पुगेकाे स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिनुभयो । पछिल्लाे २४ घण्टामा ८ सय २३ जनाले काेराेना भाइरस जितेर घर फर्किएका छन् ।

नेपालमा काेराेना भाइरस निकाे भएर डिस्चार्ज हुनेकाे संख्या ६ हजार एक सय ४३ पुगेकाे मन्त्रालयका प्रवक्ता डा.गाैतमले जानकारी दिनुभयाे ।