तुलसीपुर ।
लियो क्लब अफ दाङ तुलसीपुरले एक कार्यक्रमको आयोजना गरी लायन्स क्लब अफ दाङले तुलसीपुर उपमहानगरपालिका वडा नम्बर–६ को गाईडरमा निर्माणधीन लायन्स क्लबको भवन लाई आर्थिक सहयोग रकम हस्तान्तरण गरेको छ । लायन्स क्लबको भवन निमार्णका लागि लियो क्लब अफ दाङ तुलसीपुरले २७ हजार दुई सय २१ रुपैंया सहयोग रकम हस्तान्तरण गरेको हो ।

लायन्स क्लब अफ दाङका अध्यक्ष सुरेश हमाल र भवन निमार्ण समितिका संयोजक यज्ञ बहादुर के.सी.को विशेष उपस्थितीमा भएकाे कार्यक्रममा सो रकम लियो क्लब अफ दाङ तुलसीपुरका अध्यक्ष सन्तोष के.सी.ले हस्तान्तरण गरेका थिए । लियो क्लबका संस्थापक अध्यक्ष धु्रवराज न्यौपानेले रु.११ हजार १ सय ११ रुपैंया, अध्यक्ष सन्तोष के.सी.ले ५ हजार ५ सय ५५ रुपैंया, लियो क्लब अफ दाङ तुलसीपुरका प्रथम उपाध्यक्ष राजेन्द्र महताराले ५ हजार ५ सय ५५ रुपैंया र लियो क्लब अफ दाङ तुलसीपुरको तर्फ बाट रु.५ हजार गरी जम्मा २७ हजार २ सय २१ रुपैंया हस्तान्तरण गरिएको थियो । करिब दुई बिगाह जग्गामा डेण्टल अस्पताल स्थापना गर्ने निर्णय यस अघिनै भएको र हाल अफिस कोठा र हल कोठा निर्माण गरेर काम सुरु गर्न लागेको लायन्स क्लब अफ दाङका अध्यक्ष सुरेश हमालले जानकारि दिनुभयो ।

क्लवका द्धितीय उपाध्यक्ष निर्मल खड्काको स्वागत मन्तव्य बाट सुरु भएको कार्यक्रमको सहजिकरण क्लबका सहसचिव प्रकाश न्यौपानेले गरेका थिए ।