तुलसीपुर ।

तुलसीपुर उद्योग वाणिज्य संघमा पद हस्तान्तरण कार्यक्रम सम्पन्न भएको छ । निर्वाचन समितिका संयोजक प्रविण लम्सालको अध्यक्षतामा भएको पद हस्तान्तरण कार्यक्रममा यस अघिका पदाधिकारीहरुले सोहि पदका नवनिर्वाचित पदाधिकारीहरुलाइ हस्तान्तरण गरेका थिए ।

कार्यक्रममा बोल्दै तुलसीपुर उपमहानगरपालिकाका प्रमुख घनश्याम पाण्डेले तुलसीपुर उद्योग वाणिज्य संघलाइ आर्थिक सल्लाहकार बनाउने उद्घोष गरे । कार्यक्रमका प्रमुख अतिथि समे रहेका पाण्डेले तुलसीपुरको समृद्धिकालागी अन्तराष्ट्रिय लगानीमैत्री वातावरण बनाउन चाहेको भन्दै त्यसमा हातेमालो गर्न तुलसीपुर उद्योग वाणिज्य संघलाई आह्वान गरेका छन । कार्यक्रमको सहजीकरण पुस्करराज भण्डारीले गरेका थिए ।

यसैबीच तुलसीपुर उद्योग वाणिज्य संघको पहिलो बैठक राम प्रसाद चालिसेको अध्यक्षतामा सम्पन्न भएको छ । बैठकले निर्वाचन लाई सौहार्दपुर्ण रुपमा सम्पन्न गराउने निर्वाचन मण्डल, सुरक्षाकर्मि, सन्चारकर्मि एवं आम व्यवसायीहरुलाइ हार्दिक कृतज्ञता दिंदै बांकि रहेका विषयमा अर्को बैठकले निर्णय गर्ने संघका नवनिर्वाचित महासचिव विनिल केसीले बताएका छन् ।